Posted by Denny on July 25, 2008, 0:40:48, in reply to "masih mengenai Gestures en budaya International"
Bung TB,
Curah jo kamari kalu masih ada. Sekarang toch migrasi so lebih hebat. Jadi torang lei perlu belajar mengenal budaya lain.
Contoh, kadang torang ada maksud bae pa orang laeng, maar dorang anggap ada menghina pa dorang.
Salam,
Denny
--Previous Message--
: Bung Denny yang bae,
:
: tb ley mo baramiji batamba. Butul skali bung
: Den da bilang di bawah. Mangarti tu Gestures
: dari berbagai suku bangsa itu perlu, apalagi
: bagi para global citizens, setidaknya torang
: bisa memahami sesuatu yang normal pa torang
: bagi orang laeng adalah hal yang taboo.
:
: Kalu di sini mo ba pangge orang dengan cara
: tu talapak tangan mangada ka dalang. Maar
: kalu di manado ba pangge deng cara bagitu
: sama deng ba pangge bakalae.
:
: Di Eropa dalam menyalami antara laki laki
: deng parampuang biasannya cium pipi deng
: kalu tuama deng tuama biasannya cuman jabat
: tangan. Maar kalu di sebagain Prancis, deng
: bagian dari Belgia yang berbahasa Prancis
: laki laki deng laki laki ley selalu
: bersalaman deng baciong pipi, jadi jang kage
: kalu lia tu dia.
:
: Org Eropa, khususnya seputar Eropa barat,
: kalu abis makang itu piring memang butul
: butul kiring nyanda ada renge renge tasisa
: di atas piring. Kalu torang diundang makan
: oleh orang Prancis jang barani sampe ada
: spanggal daging ato spanggal kantang ato
: depe sous yang da tasisa di piring, nyandak
: sopan, deng ndak menunjukkan respek thd
: makanan yang tuang ruma da sliwir. Maar kalu
: di kampung apalagi di pesta pesta, makang
: sampe piring licing dorang kira rakus
: heheheheeh.
:
: Org barat memandang itu batundu tundu kapala
: sebagai "act of subservience".
: Maar kalu budaya timur malah dianggap
: sebagai bentuk respek deng kesopanan. Lia jo
: tu orang Japang kuat batundu tundu kapala.
:
: Babuang ingus(blowing ur nose) pada saat di
: meja makang jang barani ngoni beking di muka
: pa torang pe mama deng papa, langsung dapa
: paka akang piring di muka, maar kalu disini
: adalah sesuatu yang normal.
:
: Haga langsung di biji mata, jang banya kali
: ja beking kalu lagi berada di negara negara
: Asia, nanti torang dorang anggap kasar, ato
: bahkan bisa diartikan sebagai sexual
: intimidasi.
:
: Kalu ngoni lagi travelling, backpacked kong
: badola oto musti angka tu jempol supaya tu
: oto brenti, maar jangang ngoni angka jempol
: kalu lagi hitchhiking di Nigeria, rasa rasa
: bukang oto mo brenti mala tu supir te'
: kurang mo sambar, lantaran hal tsb di
: Nigeria adalah sesutau yang kasar.
:
: Kalu biasa di kampung kalu bajalang deng
: tamang sesama laki laki kong baku gandeng
: tangan, ato baku dukung tangan di pundak
: adalah hal yang normal bahkan di anggap
: sebagai ekspresi persahabatan yang erat.
: Maar kalu Di eropa hehehheheeheh co ngoni
: coba kalu ndak kurang orang haga dari ujung
: kaki sampe ujung rambu, sangat aneh dan
: tidak biasa.
:
: Kalu mo bandingkan dengan sesama orang
: Eropa, Orang prancis masih kala jao dorang
: pe mulu, di bandingkan dengan orang Blanda,
: orang Itali ato orang Inggris. Co ngoni
: tarukira kalu dorang kong lagi jadi turis
: apalagi kong berada sama sama deng dorang pe
: grup, dorang bacirita pe kuat, totawa sampe
: bakuku ndak paduli deng tu birmang sabla.
:
: Dalam hal makang, tu Itali deng Prancis deng
: Belgia sangat terkenal deng dorang pe dapur.
: Saat makan di anggap sebagai ritual yang
: suci.
: kalu torang di undang Dinner oleh keluarga
: Prancis ato Belgia jang barani torang iko
: deng torang pe cara makang, capat capat
: rodo.
: Dorang kalu makang( kalu baundang) bisa
: berdurasi 6 jam, dimulai dengan makanan
: pembuka, hapjes, sup, kemudian makanan
: utama, kemudian dessert, kong abis itu
: minung kopi kong tamba deng kukis, anggor
: ato bir. Kong samantara makang musti
: bacirita. So jang langsung soso kalu makang
: deng dorang, bisa bisa torang putus tenga
: jalang heheheheheh beda deng torang pe cara
: salalu Buffet; cura satu kali rado satu kali
: hehheheh
:
: Maar Bung Den masi pe banya ley tu conto
: contoh, ndak mo abis kalu mo tulis disini.
:
: salam bae jo
:
: tb
:
:
:
:
  |
|
Message Thread:
|
